အိပ်မက်တွေနဲ့ လူ

အိပ်မက်တွေကို အကောင်အထည်ဖော်ဖို့ ကျွန်တော့်ခရီးကိုစခဲ့တယ်။ ကျွန်တော်တစ်ယောက်တည်း လမ်းပေါ်မှာ လမ်းပျောက်နေရင်းက အကူအညီတောင်းလို့ရမယ့်သူကို ရှာတယ်။ မေးမြန်းလို့ရနိုင်မဲ့သူကိုရှာတယ်။ မတွေ့ပါဘူး။ မတွေ့ခဲ့ပါဘူး။
ကျွန်တော့်ညတွေ အစကတည်းက မှောင်လွန်းခဲ့တယ်။

စမ်းတ၀ါးဝါးလျှောက်လမ်းရင်း ကျွန်တော့်စိတ်ဓါတ်တွေကလည်း တက်လိုက်ကျလိုက်နဲ့ပေါ့။ ကျွန်တော့်ယုံကြည်မှုတွေကသာ စွဲစွဲမြဲမြဲ တောက်ပနေဆဲ။ ကျွန်တော်ရိုးသားစွာနဲ့ လျှောက်လမ်းတယ်။ တက်ကြွစွာနဲ့ မျက်လုံးတွေကိုဖွင့် နားတွေကိုစွင့်ခဲ့တယ်။ တခါတလေကျွန်တော့် စိတ်ဓါတ်တွေ နူးညံ့ပျော့ပျောင်းသလို တခါတလေလည်း ခက်ထန်ချင်တယ်။ ဒီခရီးက ကြမ်းလည်းကြမ်းတမ်းလွန်းလှတယ်။

ကံတရား . . . အဲဒီကံတရားနဲ့ပဲ လမ်းတလျှောက်ခလုတ်တိုက်နေတော့တာပဲ။ လမ်းခရီးမှာ အခက်အခဲတွေ အဆင်မပြေမှုတွေ တွေ့ခဲ့တိုင်း ကျနော်စိတ်ဓါတ်တွေ ပိုမိုမာကျောလာခဲ့တယ်။ ပတ်ဝန်းကျင်ကိုကြည့်တယ် ကျွန်တော့်ခရီးကို အာရုံစိုက်တယ်။ အဓိကက အိပ်မက်တွေကို အကောင်အထည်ဖေါ်ဖို့မဟုတ်လား။

တွေ့တဲ့လူတိုင်းကမေးတယ် . . မင်းဘယ်သွားမလို့လဲဆိုတော့ ကျွန်တော့်အိပ်မက်တွေဆီ သွားမလို့ပါလို့ပြောပြတယ်။ သူတို့ပြုံးရင်း ဒီကောင် စိတ်ကူးယဉ်သမားပဲကွ . . တဲ့ မကြားတကြားလေး ပြောသွားတတ်ကြပါတယ်။ တချို့ကတော့ မဖြစ်နိုင်တာ မင်းရူးနေလား ပြောတတ်ကြသလို။ တချို့ကတော့ ကြိုးစားပြီးရောက်အောင်သွားကွာ . . ဘယ်နေရာမှာတော့ လမ်းကြမ်းတယ် . . ဘယ်နေရာကိုတော့ သတိထားသွား ဆိုပြီး အားပေးလမ်းညွှန်မှုတွေ ရခဲ့ပါတယ်။ တချို့ကတော့ မသိသလိုပဲ နှုတ်ဆိတ်ထွက်ခွာသွားကြတယ်။

သူတို့ထဲက တချို့ကတော့ ရည်ရွယ်ရာပန်းတိုင်အသီးသီးကို လျှောက်လှမ်းနေကြတဲ့ ခရီးသွားတွေဖြစ်သလို .. တချို့လဲ ရည်ရွယ်ရာမရှိ ရောက်တတ်ရာရာ လျှောက်လှမ်းနေကြတဲ့ သူတွေဖြစ်ပါတယ်။ တချို့ကတော့ တွေဝေစိတ်ဓါတ်ကျပြီး ဘယ်သွားလို့သွားရမှန်းမသိတဲ့ ရပ်တန့်နေတဲ့ခရီးသည်တွေ ဖြစ်ကြပါတယ်။ ကျွန်တော်ကတော့ ကျွန်တော်နဲ့တွေ့သမျှ လူတိုင်းကို တတ်နိုင်သလောက်အားပေးကူညီရင်း တစ်ကိုယ်တည်း ကိုယ်ယုံကြည်ရာကို လျှောက်လှမ်းခဲ့ပါတယ်။

တစ်နေရာမှာ ကျနော်နဲ့ ခရီးသွားဖေါ်သွားဖက် မိတ်ဆွေတွေကိုရတယ် . . တစ်နေရာကျ သူတို့ရဲ့ခရီးပန်းတိုင်တွေဆီကို တစ်ယောက်ပြီးတစ်ယောက် လမ်းခွဲထွက်ခွာသွားကြတယ်. . နောက်ဆုံးတော့လည်း ကျွန်တော်တစ်ယောက်တည်း ပြန်ဖြစ်ခဲ့ရတယ်။

ကျွန်တော့်အိပ်မက်တွေကိုပိုင်ဆိုင်ဖို့ ကျွန်တော်ဟာ ကိုယ့်အားကိုယ်ကိုး၊ ကိုယ့်ကိုယ်ကိုအားပေးရင်း တရွေ့ရွေ့ထွက်ခွာခဲ့ပါတယ်။ ရှုံးနိမ့်သွားနိုင်သလို အိပ်မက်တွေကို အပြည့်အ၀ ပိုင်ဆိုင်နိုင်ဖို့ဆိုတာ ကျွန်တော့်ရဲ့ စိတ်ဓါတ်၊်အတွေးအခေါ်နဲ့ ကြိုးစားမှုအပေါ်မှာပဲ မူတည်နေတယ်ဆိုတာ လျှောက်ရင်းလျှောက်ရင်းနဲ့ သိလာခဲ့ပါတယ်။

လမ်းပိတ်တာတွေ လမ်းပျောက်တာတွေ ရှိခဲ့တိုင်း ရှေ့ကသွားတဲ့သူတွေရဲ့ အကြံပေးလမ်းညွှန်မှုတွေရယူပြီး ကိုယ်ကိုယ်တိုင် အဖြေရှာသုံးသပ် ကိုယ့်ဆုံးဖြတ်ရာလမ်းကို တည့်တည့်မတ်မတ်ဆက်လျှောက် ဖြစ်ခဲ့တယ်။

ကျွန်တော့်အိပ်မက်တွေကိုပိုင်ဆိုင်ဖို့ရာ မျှော်လင့်ချက်ဟာ ကျွန်တော့်အနာဂတ်ပါ။ အဓိကကတော့ ရပ်တန့်မနေဘဲ ကိုယ့်ယုံကြည်ချက်နဲ့ကိုယ် ရှေ့ဆက်ဖို့ပါပဲ။ မဝေးတော့တဲ့ ရှေ့ခရီးမှာ ကျွန်တော့်အိပ်မက်တွေကို ပိုင်ဆိုင်ဖို့ အခွင့်အရေးလမ်းစတွေတွေ့တိုင်း အစောပိုင်းက စိတ်ဓါတ်ကျအားငယ်မှုတွေနဲ့ ညည်းညူသံတွေဟာ တိုးတိတ်ပါးလျသွားခဲ့ပါတယ်။

ကျွန်တော် . . ပျော်တယ်။ ကျွန်တော့်အိပ်မက်တွေအတွက် ခရီးသွားရတာ ပျော်တယ်။ အိပ်မက်တွေကိုပိုင်ဆိုင်ဖို့ ကြိုးစားရင်း နောက်အိပ်မက်တွေကို ဆက်မက်နေဆဲပါပဲ။ နောက်ဆုံးတော့ ကျွန်တော်အိပ်မက်တွေကို ကျွန်တော်ပိုင်ဆိုင်ရမယ်လို့ ကျွန်တော်ယုံကြည်တယ်။

ခင်ဗျားရော . . အိပ်မက်တွေအတွက် ခရီးထွက်ခဲ့ဖူးလား။ ဒါမှမဟုတ် ကျွန်တော်လို အိပ်မက်တွေကိုအကောင်အထည်ဖေါ်ဖို့ ခရီးထွက်လာတဲ့ ခရီးသည်တစ်ဦးပဲလား။ အိပ်မက်တွေအတွက် ခရီးမထွက်ဖူးရင်တော့ . . .
မိတ်ဆွေတို့ရေ . . . အိပ်မက်တွေမက်ပြီး ပိုင်ဆိုင်နိုင်ဖို့ ခရီးထွက်ကြစို့လားဗျာ . . ။

ဆောင်းချမ်းမိုး